ԱՅՑ ՔԱՂԱՔԱՊԵՏԱՐԱՆ

2017 թ-ի փետրվարի 27-ին Վանաձոր համայնքի ղեկավար Մամիկոն Ասլանյանը հյուրընկալեց ՀՀ Լոռու մարզի Վանաձորի Ա. Ս. Պուշկինի անվան № 4 հիմնական դպրոցի 9-րդ դասարանների «Նախագծային ուսուցում» ծրագրիներկայացուցչական խմբին՝ պատմության և հասարակագիտության ուսուցչուհի Էմմա Անտոնյանի գլխավորությամբ:

9-րդ դասարանների հավաքական խմբի կողմից մշակված «Իմ երազանքների պուրակը» նախագծի հիման վրա աշակերտները համայնքի ղեկավարին ներկայացրեցին իրենց կողմից ուսումնասիրված դպրոցի դիմացի պուրակի բարեկարգման հիմնախնդիրները և հանդես եկան առաջարկ-նախագծով:

Հանդիպման ավարտին համայնքի ղեկավարը պատասխանեց դպրոցականների բազմաբնույթ հարցերին, որոնքառնչվում էին քաղաքի բարեկարգման խնդիրներին, ղեկավարի ներկա անելիքներին և դրանց լուծման հարցումաշակերտների ունեցած հնարավոր մասնակցությանը:

Համայնքի ղեկավարը կարևորեց աշակերտների դերը համայնքային կյանքի աշխուժացման ու զարգացման գործումև խոստացավ, որ նմանատիպ հանդիպումները շարունակական բնույթ կկրեն:          

 Նյութը և նկարները՝ Վանաձորի համայնքապետարանի էջից

ԱՍՄՈՒՆՔԻ ՀԱՄԱՔԱՂԱՔԱՅԻՆ ՓԱՌԱՏՈՆ

2017 թ. նոյեմբեր ամսից մեկնարկեց ասմունքի մանկապատանեկան 25-ամյա փառատոնը: Ամեն տարի փառատոնին իր ակտիվ մասնակցությունն է ունենում ՀՀ Լոռու մարզի Վանաձորի Ա. Պուշկինի անվան № 4 հիմնական դպրոցը: Փառատոնի 3 փուլերում փայլուն մասնակցություն ունեցան դպրոցի 16 շնորհալի աշակերտներ, որոնցից 4-ն արժանացան գերազանց մասնակցության համար պատվոգրերի, իսկ 12-ը՝ լավագույն մասնակցության համար: Ամփոփիչ միջոցառման ժամանակ Վանաձորի № 4 հիմնական դպրոցն արժանացավ շնորհակալագրի հայ պոեզիայի և ասմունքի համաքաղաքային մանկապատանեկան 25-րդ փառատոնին ակտիվ մասնակցելու համար, իսկ դպրոցի մասնագիտացված կրթական աջակցությունների գծով տնօրենի տեղակալ Մարինե Մնացականյանը՝ մասնակից երեխաների գեղագիտական, հոգևոր, հայրենասիրական դաստիարակության գործում ունեցած մեծ ավանդի համար:

Փառատոնի 25-ամյա տարեդարձի առթիվ շնորհավորում ենք բոլոր կազմակերպիչներին և մասնակիցներին՝ մաղթելով նորանոր ձեռքբերումներ և հաջողություններ: