ՎԵՐՋԻՆ ԶԱՆԳ
2015 թ. մայիսի 22-ին Վանաձորի Ա. Պուշկինի անվան N 4 հիմնական դպրոցում անցկացվեց <<Վերջին զանգ>> ավանդական ցերեկույթը, որը կրում էր <<Մնա՛ս բարով, հարազա՛տ դպրոց>> խորագիրը /9 Ա դասարան, դասղեկ՝ Է. Անտոնյան/: Միջոցառմանը ներկա էին դպրոցի տնօրինությունը, փոխմարզպետ Տ. Բադոյանը, 3-րդ բանակային կորպուսի բարձրաստիճան սպաներ, ծնողներ, աշակերտներ:
Բացման խոսքով ելույթ ունեցավ դպրոցի մասնագիտացված կրթական աջակցությունների գծով տնօրենի տեղակալ Մ. Մնացականյանը: Այնուհետև բարեմաղթանքներով հանդես եկավ դպրոցի տնօրեն Հ. Խումարյանը, ով իր սաներին մաղթեց հաջողություններ նոր կյանքի երկար ու ոչ այնքան դյուրին ճանապարհին:
Փոխմարզպետ Տ. Բադոյանը, ով նույնպես այդ դպրոցի շրջանավարտ է, շնորհավորանքի և բարեմաղթանքի խոսքեր ուղղեց աշակերտներին:
Իններորդցիներն իրենց երախտիքի և շնորհակալական խոսքն ուղղեցին իրենց սիրելի ուսուցիչներին, հարազատ կրթօջախին:
Վանաձորի Ա. Պուշկինի անվան N 4 հիմնական դպրոցի տեխնոլոգիայի ուսուցիչներ Ս. Մաքթաղյանը և Ա. Ղալայանը կազմակերպել էին <<Հմուտ ձեռքեր>> ցուցահանդես, որին մասնակցում էին V-VII դասարանների աշակերտները: Ցուցահանդեսի թեման <<Զարմանահրաշ օրիգամին>> էր:
