ԸՆԴ ԵՂԵԳԱՆ ՓՈՂ ԼՈՒՅՍ ԵԼԱՆԻ

2015 թ. ապրիլի 17-ին Վանաձորի Ա. Պուշկինի անվան N 4 հիմնական  դպրոցի 6 Բ դասարանում տեղի ունեցավ բաց դաս <<Ընդ եղեգան փող լույս ելանի>> խորագրով՝ նվիրված արևմտահայ տաղանդաշատ բանաստեղծ Դանիել Վարուժանին:

Հզոր բանաստեղծ է Դանիել Վարուժանը: Նա գրեց ազգային պայքարի ելած մարտիկների ոգեշնչող երգեր: Նա հրատարակեց գրքեր և լի էր բազմապիսի ծրագրերով, բայց վերելքի պահին ընդհատվեց կյանքը: Նա դարձավ ցեղասպանության զոհ:

Աշակերտները ներկայացրին Վարուժանի կենսագրությունը, ստեղծագործությունները: Արտասանեցին բանաստեղծություններ, ներկայացրին նրա ժողովածուները:

Վարուժանը երկնել է այնպիսի հզոր ազգային ուհամամարդկային երգեր, որոնց ուժն ու գեղեցկությունըժամանակներն անզոր են աղոտել: Հայրենիքը հպարտ է, որ ծնել էՎարուժանի նման մեծ զավակ, որը եղել է և այսօր մնում է հայպոեզիայի վեհափառ Արարատը: Նա ծնվել էր մահկանացու, սակայն աշխարհից հեռացավ անմահացած: 

Մայրամուտ չունի Վարուժանի պոեզիան: Հայ գրականության երկնակամարում նա կճառագայթի ընդմիշտ և ավելի՜ու ավելի՜ շռայլորեն, քանի ապրում, բարգավաճում է մեր հայրենիքը, քանի կան, ապրում  են ու առնականանումմեսրոպյան մեր նշանագրերը:

ՄՈՒՇԵՂ ԳԱԼՇՈՅԱՆ <<ԿՌՈՒՆԿ>>

2015 թ. ապրիլի 16-ին Վանաձորի Ա. Պուշկինի անվան N 4 հիմնական դպրոցի 6 Դ դասարանում անցկացվեց բաց դաս «Մայրենի» առարկայից: Դասի թեման էր Մուշեղ Գալշոյանի «Կռունկ» պատմվածքը: Աշակերտները հանդես եկան խմբերով:

1-ին խումբը ներկայացրեց «Կռունկ» պատմվածքը՝ բեմականացնելով մի հատված:

2-րդ խմբի աշակերտները խոսեցին կռունկի մասին, արտասանեցին բանաստեղծություններ՝ կապելով պանդխտության թեմայի հետ: Հետո ունկնդրեցին Կոմիտասի «Կռունկ» երգը մեծ երգահանի կենդանի կատարմամբ: Երգը լսելուց հետո նրանք արտահայտեցին իրենց հույզերն ու զգացմունքները: Խոսեցին կարոտի մասին՝ արտահայտելով գեղեցիկ կարծիքներ:

3-րդ խումբը ներկայացրեց «Կոմիտաս» թեման: Խոսեցինմեծ երգահանի կյանքի, ստեղծագործության մասին,արտասանեցին նրան նվիրված բանաստեղծություններ:

4-րդ խումբը խոսեց եղեռնի զոհ դարձած հայմտավորականների մասին: Աշակերտները հիշեցին նրանց,արտասանեցին հայրենասիրական բանաստեղծություններ:

Ապա ամբողջ դասարանով երդվեցին, որ արժանի տերը կլինեն հայրենի օջախի:

  

ԱՊՐԵԼՈՒ ԱՊՐԻԼ

2015 թ. ապրիլի 15-ին Վանաձորի Ա. Պուշկինի անվան N 4 հիմնական դպրոցում կազմակերպվեց ցերեկույթ՝ <<Ապրելու ապրիլ>> խորագրով /6 Գ, 9 Ա դաս., ուսուցիչ՝ Ն. Հարությունյան/: Այն հարգանքի տուրք էր, հիշատակի խոսք, պատմական անցյալնայսօր յուրովի մեկնաբանելու, մեր բողոքի ձայնը բարձրացնելու, համայն աշխարհի առաջադեմ մարդկությանն ուղղված կոչ, 100 տարվա հեռավորությունից կատարվածին քաղաքական և իրավական գնահատական տալու պահանջ:

Ցերեկույթի ընթացքում հնչեցին ցեղասպանությանը վերաբերող տեղեկություններ, աշակերտները պատմեցին <<Նեմեսիս>> ծրագրի մասին, ընթերցեցին Պ. Սևակի, Հովհ. Թումանյանի, Ս. Կապուտիկյանի, Գ. Էմինի բանաստեղծություններից: Ծաղկեպսակներ դրեցին իրենց ձեռքով պատրաստված` զոհերի հիշատակը հավերժացնող հուշակոթողին, մեկ րոպե լռությամբ հարգեցին անմեղ զոհերի հիշատակը: Այնուհետև հանդիսավոր երդում տվեցին, որ արժանի տերը կլինեն հայկյան օջախի, որ արյան վերջին կաթիլը կտան հանուն հայրենիքի:

ՀՈՒՄԱՆԻՏԱՐ ՄԱՍՆԱԽՄԲԻ ՏԱՍՆՕՐՅԱԿ

2015թ. ապրիլի 14-ին Վանաձորի Ա. Պուշկինի անվան N 4 հիմնական դպրոցում մեկնարկեց հումանիտար մասնախմբի տասնօրյակը՝ նվիրված Եղեռնի 100-ամյա տարելիցին, որը կրում է <<Հիշում եմ և պահանջում>> խորագիրը:

Տասնօրյակը մեկնարկեց հիշատակի և ոգեկոչման   տողանով, որը կրում էր <<Կոչենք ապրողաց>> խորագիրը:

Ելույթ ունեցավ դպրոցի տնօրեն Հ. Խումարյանը, ՄԿԱ-ի գծով տնօրենի տեղակալ Մ. Մնացականյանը, հայոց լեզվի              և գրականության ուսուցչուհի Հ. Բաղդասարյանը, IX դասարանի աշակերտուհի    Ա. Ղազարյանը:

Տողանին ներկա էին Սբ. Գր. Նարեկացի եկեղեցու հոգևորհովիվ Տեր Վահան քահանա Ազարյանը, Լոռու փոխմարզպետ Տ.Բադոյանը, Լոռու մարզպետարանի աշխատակազմի կրթության բաժնի պետ Գ. Տոնոյանը: Տեր Վահանը խոսեց մարդ էակիէության, նրա աշխարհիկ և հոգևոր գործունեության, մարդ տեսակին անհարիր դաժանությունների մասին: Ելույթըեզրափակեց <<Հայր մեր>>-ով և <<Պահպանիչ աղոթքով>>:

Տողանի ավարտից հետո կազմակերպվել էրպաստառների ցուցադրություն, որը նվիրված էր Եղեռնի զոհդարձած հայ գրողներին: Պաստառները կրում էին <<Հավերժիճամփորդները>> և <<Նաիրյան երկրի անմահները>> խորագրերը:Պաստառների մյուս խումբը կրում էր <<Սուրբ եղիցի անունըձեր>> և <<Հայկական հետք>> խորագրերը: <<Սուրբ եղիցի անունըձեր>> խորագրով պաստառները նվիրված էին միսիոներներին,որոնք ցեղասպանության օրերին սատար են կանգնելպատմության դաժան քառուղիներում հայտնված հայ մարդկանց:Իսկ <<Հայկական հետք>> խորագիրը կրող պաստառներըներկայացնում էին Հայաստան աշխարհի խորհրդանիշերը՝<<Նարեկը>>, խաչքարը, նուռը, լավաշը և այլն:

Տասնօրյակի շրջանակներում կազմակեպվելիք միջոցառումների շարքն ընդգրկում է.

Ցերեկույթ՝ <<Ապրելու ապրիլ>> /Ն. Հարությունյան/, <<Հիշում եմ և պահանջում>> վերնագրով շարադրություններիմրցույթ 5-9-րդ դասարանների համար /Ն. Հարությունյան/, բաց դաս՝ Մ. Գալշոյան <<Կռունկ>> /Օ. Ջիլավյան/, բաց դաս՝<<Ընդ եղեգան փող լույս ելանի…>> /Հ. Բաղդասարյան/, բաց դաս՝ <<Զորավար Անդրանիկ>> /Մ. Մկրտչյան/, ցերեկույթ՝<<Կոմիտաս>>, բաց դաս՝ <<Հայաստանի լեռներու սրնգահարը>> /Ա. Գալստյան/, բաց դաս՝ <<Ամենայն հայոցբանաստեղծը և եղեռնը>> /Հ. Պոդոնյան/, գրական-երաժշտական բեմադրություն՝ <<Հույսի ու կարոտի բանալին>> /Է.Անտոնյան/, ռադիոհաղորդում՝ լռության րոպե /Ն. Վարդանյան/, զեկուցում՝ <<Հրեական գործոնը և հայոցցեղասպանությունը>> /Վ. Անդրեասյան/: