Վանաձորի № 4 հիմնական դպրոց

ՊԱՇՏՈՆԱՎԱՐՄԱՆ 5-ԱՄՅԱԿ

2017 թ. նոյեմբերի 20-ին լրացավ ՀՀ Լոռու մարզի Վանաձորի Ա. Պուշկինի անվան № 4 հիմնական դպրոցի տնօրեն Համլետ Խումարյանի պաշտոնավարման 5-ամյակը: Այդ կապակցությամբ դպրոցի անձնակազմը անակնկալ միջոցառում էր կազմակերպել: Սահիկահանդեսի միջոցով ներկայացվեց անցած 5 տարվա ուղին, կատարված աշխատանքները և ունեցած ձեռքբերումները:

Ողջույնի և շնորհավորանքի խոսքով հանդես եկավ ուսումնական աշխատանքների գծով տնօրենի տեղակալ Վեներա Ազատյանը.  

«Հարգելի պարոն Խումարյան, սիրով շնորհավորում ենք Ձեզ պաշտոնավարման 5-ամյակի առթիվ, մաղթում ենք բեղմնավոր գործունեություն, անսպառ եռանդ, ուժ և կորով հայրենանվեր Ձեր գործում»:

Շնորհավորանքի խոսքով հանդես եկավ նաև դասվար ԱնահիտՔոչարյանը՝ ներկայացնելով իր հեղինակային բանաստեղծությունը.

Շնորհավոր 

Հինգ տարին անցավ ակնթարթի պես,

Հինգ օր, իհարկե, չհանգստացաք

Եվ աշխատեցիք, տքնեցիք այնպես,

Որ նախանձելի տնօրեն դարձաք:

Գիտեք դպրոցի «երակի զարկը»,

Մատը պահում եք միշտ նրա վրա,

Որ չխաթարվի կանոնն ու կարգը,

Ու բարձր մնա պատիվը նրա:

Գիտակցաբար եք ընդունում նորը

Ու համաքայլ եք միշտ առաջ գնում,

Իմաստալից է Ձեր ամեն օրը,

Թե գործ կա, երբեք վաղվան չի մնում:

Լավ է, առջևում մի ամբողջ կյանք կա,

Ձեր դիրքում այսպես հաստատուն մնաք,

Որ երբ սահմանված ժամանակը գա,

Հենց այս դպրոցից հանգստի գնաք:

Սիրով՝ Վանաձորի № 4 հիմնական դպրոցի անձնակազմ