ԽԱՂԱՂ ԵՐԹ՝ ՆՎԻՐՎԱԾ ՄԵԾ ԵՂԵՌՆԻ ԶՈՀԵՐԻ ՀԻՇԱՏԱԿԻՆ 

Ս/թ ապրիլի 24-ին Վանաձորում հազարավոր քաղաքացիներ երթով քայլեցին դեպի Սուրբ Աստվածածին եկեղեցի, որտեղ ծաղիկներ դրեցին եկեղեցու բակում տեղադրված 1915թ. Մեծ եղեռնի զոհերի հիշատակը հավերժացնողհուշարձանին։

Երթին մասնակցեցին նաև Վանաձորի Ա. Ս. Պուշկինի անվան № 4 հիմնական դպրոցի կոլեկտիվը՝ տնօրեն Հ. Խումարյանի ղեկավարությամբ, VIII և IX դասարանների աշակերտները:    

ՄԵՐ ՍՊՈՐՏԱՅԻՆ ՀԱՋՈՂՈՒԹՅՈՒՆԸ

Հայաստանի Հանրապետության անկախության 25-րդ տարեդարձին նվիրված դպրոցականների հանրապետական 25-րդ մարզական խաղերի՝ ԲԱՍԿԵՏԲՈԼ մարզաձևում ՀՀ Լոռու մարզի Վանաձորի Ա. Պուշկինի անվան № 4 հիմնական դպրոցի հավաքական թիմը գրավել է ԵՐՐՈՐԴ տեղ:

Շնորհավորում ենք մեր թիմին և մաղթում նորանոր հաջողություններ:

ԾԱՌԱՏՈՒՆԿ

Ս/թ ապրիլի 18-ին Վանաձորի Ա. Պուշկինի անվան № 4 հիմնական դպրոցի կոլեկտիվի և աշակերտների կողմից դպրոցի հարակից պուրակում կազմակերպվել էր ծառատունկ: Տնկիները տրամադրել էր Լոռու մարզպետարանի գյուղատնտեսության վարչությունը:

Ծառատունկին աշակերտները մասնակցում էին մեծ ոգևորությամբ և պատասխանատվությամբ: Տնկված ծառերի քանակը համապատասխանում էր դասարանների քանակին: Յուրաքանչյուր դասարան խոստացավ խնամել և հոգ տանել իր ծառի մասին: